Հայաստանն ու ԵՄ-ն կզարգացնեն համագործակցությունը ճգնաժամային իրավիճակների ու պաշտպանության ոլորտում

Կառավարությունը հավանություն տվեց ՀՀ-ի եւ ԵՄ-ի միջեւ Եվրամիության ճգնաժամային կառավարման գործողություններում Հայաստանի մասնակցության մասին» համաձայնագրին, որը  հնարավորություն կտա արտակարգ և ճգնաժամային այլ իրավիճակների կառավարման ոլորտում լավագույնս օգտագործելու  Եվրոպական միության փորձն ու գիտելիքները, ինչպես նաև հնարավորություն կստեղծի անվտանգության և պաշտպանության բնագավառում երկկողմ համագործակցությունը զարգացնելու համար։

Համաձայնագիրը կնպաստի եվրոպական կառույցների հետ ինտեգրման գործընթացի և երկկողմ գործընկերության զարգացմանը՝ ուժեղացնելու Հայաստանի Հանրապետության դիմակայնությունը արտակարգ իրավիճակների ոլորտում, կխթանի Հայաստանի Հանրապետությունից վերապատրաստման մեկնող անձնակազմի մասնագիտական աճը,արտակարգ և ճգնաժամային այլ իրավիճակների կառավարման ոլորտում պատրաստվածության բարձրացումը։