Լարսի խցանումը սկսվում է Վլադիկավկազից
Google Maps-ի տվյալներով, այսօր՝ սեպտեմբերի 23-ին, Թբիլիսիի ժամանակով ժամը 11:45-ին, վրաց-ռուսական Վերին Լարսի անցակետից Հյուսիսային Օսիայի Չմի գյուղը 13 կիլոմետրանոց խցանում է եղել։ Այս մասին գրում է aliq.ge-ն։
Ընդգծենք, որ Ռուսաստանում սեպտեմբերի 21-ին հայտարարված մասնակի զորահավաքի հայտարարությունից հետո քաղաքացիները լքում են երկիրը։
Հյուսիսային Օսիայում Ռուսաստանից Վրաստան եկող մեքենաները մի քանի կիլոմետրանոց խցանումներ են ստեղծել: Խցանումը սկսվում է Ռուսաստանի Վլադիկավկազ քաղաքից։
Նշենք, որ Վլադիկավկազից Վերին Լարսի անցակետը մոտ 32 կիլոմետր է։
Աղբյուրը՝ 168.am