Վրաստանի մաքսավորները մինչեւ 6 կգ ոսկի են առգրավել երկրով Թուրքիայից Ադրբեջան մեկնող ադրբեջանցիներից
Ադրբեջանի քաղաքացիները փորձել են ապօրինի կերպով Թուրքիայից Վրաստան տեղափոխել մինչեւ 6 կիլոգրամ ոսկյա զարդեր՝ ավելի քան կես միլիոն լարի արժողությամբ, հայտնում է «Նովոստի-Գրուզիան»՝ հղում անելով Ֆինանսների նախարարության քննչական ծառայության մամուլի ծառայությանը։
«Սարփի»-ի անցակետում տարեսկզբից երեք նման փորձ է հայտնաբերվել։ Նրանք առանց հայտարարագրի, շրջանցելով մաքսային հսկողությունը, փորձել են մաքսանենգ ճանապարհով Վրաստանով ոսկի տեղափոխել Թուրքիայից։
Գործերը հետաքննվում են Վրաստանի քրեական օրենսգրքի 214-րդ հոդվածի 2-րդ մասով՝ ազատազրկում 5-7 տարի ժամկետով։
Աղբյուրը՝ news.am