Տնտեսական արդիականացման ծրագրի ներքո 2022-ին կնքվել է 901 գործարք՝ 56 մլրդ դրամի. Քերոբյան

Տնտեսական արդիականացման ծրագրի ներքո 2022 թվականին կնքվել է 901 գործարք՝ ընդհանուր ավելի քան 56 միլիարդ դրամ գումարի։ Միայն դեկտեմբեր ամսին կնքվել է 223 պայմանագիր՝ ավելի քան 11 միլիարդ գումարի։

Այս ծրագրում Կառավարությունը սուբսիդավորում է մի շարք ոլորտների ընկերությունների ձեռք բերած սարքավորումների վարկերի և լիզինգների տոկոսային ծախսերի զգալի մասը։

Վստահորեն կարելի է ասել, որ այս ծրագրի արդյունքում մենք էականորեն արագացնում ենք աշխատանքի արտադրողականության աճը, որը մեր ընկերությունների մրցունակության գլխավոր գրավականն է։