Պակիստանն ուղիղ մուտք է ստացել դեպի ռուսական շուկա
Պակիստանը մուտք է ստացել դեպի ռուսական շուկա, որը ծովային առևտրային կապեր է բացել Իսլամական հանրապետության հետ: Այս մասին հայտարարել է Պակիստանի ծովային հարցերով նախարար Սայեդ Ֆայսալ Սաբզվարին՝ ելույթ ունենալով Կարաչիի նավահանգիստ ռուսական «Կրիստալ Սանկտ-Պետերբուրգ» կոնտեյներային նավի ժամանման արարողության ժամանակ։
«Ռուսական դրոշով կոնտեյներային նավի ժամանումը Կարաչի ուղենշային ձեռքբերում է Պակիստանի համար: Երկրի առևտրային ընկերություններն այժմ ուղիղ մուտք ունեն դեպի ռուսական շուկա», – ասել է նախարարը:
Պաշտոնյայի խոսքով՝ պակիստանյան ապրանքների ուղղակի արտահանումը Ռուսաստան կծառայի երկու երկրների գործարար կապերի ամրապնդմանը։
Ըստ Dawn պարբերականի՝ ռուսական նավթի առաջին մատակարարումը Պակիստան կժամանի հունիսի սկզբին՝ Իսլամաբադի և Մոսկվայի միջև ապրիլին ձեռք բերված համաձայնագրի շրջանակներում: Սպասվում է, որ ռուսական նավթի մատակարարումները Պակիստան կհասնեն օրական 100 հազար բարելի՝ մեկ բարելի դիմաց 16-18 դոլար զեղչով։ Ռուսաստանից նավթի արտահանման դիմաց վճարումները կկատարվեն չինական յուանով։
Աղբյուրը՝ b24.am