ՌԴ Ֆինանսների նախարարություն. Ռուսները չպետք է իրենց խնայողությունները պահեն կրիպտոարժույթներով

ՌԴ Ֆինանսների նախարարություն. Ռուսները չպետք է իրենց խնայողությունները պահեն կրիպտոարժույթներով

Ռուսաստանի Ֆինանսների նախարարությունը դեմ է արտահայտվել կրիպտոարժույթների՝ որպես քաղաքացիների արժեքի պահեստ օգտագործելուն:

Սակայն, ըստ ՌԴ ֆինանսների նախարարության ֆինանսական քաղաքականության վարչության տնօրեն Իվան Չեբեսկովի՝ թվային ֆինանսական ակտիվները կարող են այլընտրանք լինել ավանդական գործիքներին։ Այս կարծիքը նա հայտնել է  «Сбербанк»-ի «Ապագայի ֆինանսներ» բլոկչեյն համաժողովի ժամանակ։

Չեբեսկովը նշել է, որ կրիպտոարժույթներն ընդհանուր առմամբ բարձր ռիսկային ֆինանսական գործիք են, իսկ սթեյբլքոյնը որպես խնայողական գործիք նույնպես տոկոս չի վաստակում: Միաժամանակ Չեբեսկովը նշել է, որ նման ներդրումները բոլորին հարմար չեն։ Նա մատնանշեց, որ քաղաքացիներին չի կարելի ստիպել ներդրումներ կատարել թվային արժույթներում, հատկապես, եթե նրանք միջին եկամուտներ և խնայողություններ ունեցող մարդիկ են։ Նման ներդրումները կարող են լինել ռիսկային և ենթակա են գնի զգալի տատանումների:

Չեբեսկովը խորհուրդ է տվել թվային ակտիվներում ներդնել ընդհանուր պորտֆելի միայն մի փոքր մասը, հատկապես պրոֆեսիոնալ ներդրողների համար, ովքեր ի վիճակի են գնահատել և ընդունել այդ ռիսկերը:

Նման կարծիք է հայտնում նաև Ռուսաստանի բանկը։ Ռուսաստանի Կենտրոնական բանկի ֆինանսական տեխնոլոգիաների դեպարտամենտի տնօրեն Կիրիլ Պրոնինը ընդգծել է, որ ներդրումների նման տեսակները կարող են ենթարկվել պատժամիջոցների սահմանափակումների։

Նա նշել է, որ արդեն եղել են Ռուսաստանի հետ կապված ավելի քան 800 դրամապանակների արգելափակման դեպքեր, և, հետևաբար, թվային արժույթները որպես արժեքի պահեստ օգտագործելը պետք է զգուշությամբ դիտարկել, հատկապես՝ պրոֆեսիոնալ ֆինանսական հաստատությունների համար։

Հաշվի առնելով թվային ակտիվների նկատմամբ աճող հետաքրքրությունը՝ Ռուսաստանի կառավարությունը և կարգավորողները նույնպես շարունակում են քննարկել կրիպտոարժույթների շուկայի կարգավորումը: Ներկայումս երկրում բացակայում է կրիպտոարժույթները և բլոկչեյն տեխնոլոգիաները կարգավորող միասնական օրենսդրական դաշտ:

Աշխատանքներ են տարվում նոր օրենսդրության ստեղծման ուղղությամբ, որը կսահմանի թվային ակտիվների օգտագործման և մշակման կանոններ Ռուսաստանում: Ակնկալվում է, որ նման կարգավորումները կարող են ավելի հստակություն և կայունություն բերել երկրի կրիպտո արդյունաբերությանը և բարենպաստ միջավայր ստեղծել այս ոլորտում նորարարությունների և զարգացման համար:

Սակայն այժմ օրենքների մշակման հարցում անորոշություն է նկատվում։ Մասնավորապես, կրիպտոարժույթով միջազգային վճարումների օրինականացման մասին օրինագիծը կանգ է առել տարաձայնությունների պատճառով, իսկ թվային ռուբլու մասին օրենքի ընդունման ժամկետները մնում են անհասկանալի։

Աղբյուրը՝  b24.am