Ստեփանակերտում թոշակառուներին սննդամթերքի և հիգիենայի պարագաների տրամադրումը հետաձգվել է

Բարեգործական կազմակերպությունների կողմից Արցախ ուղարկված մարդասիրական օգնության բաշխման հերթական փուլի մեկնարկը հետաձգվում է: Այս մասին տեղեկացնում է ԱՀ սոցիալական զարգացման և միգրացիայի նախարարությունը:

Այն տրամադրվելու էր Ստեփանակերտ քաղաքում փաստացի բնակվող՝ հաշմանդամության խումբ ունեցող և կերակրողին կորցրած՝ 63 տարին լրացած, աշխատանքային կամ սոցիալական կենսաթոշակ ստացող անձանց:

Սննդամթերքի և հիգիենայի պարագաների տրամադրումը հետաձգվել է տեխնիկական պատճառներից ելնելով:

Նախարարությունը հայցում է քաղաքացիների ներողամտությունը՝ խնդրելով հանգամանքներին ըմբռնումով մոտենալ:

Օգնության տրամադրման մեկնարկի վերաբերյալ կլինի լրացուցիչ հայտարարություն: