Հանրահայտ Hard Rock ընկերությունն իր մասնաճյուղը կունենա Երևանում
2022թ-ին երկրորդ եռամսյակում Երևանում կբացվի Hard Rock ընկերության հայաստանյան առաջին մասնաճյուղը՝ Hard Rock Café Yerevan-ը:
Այս մասին այսօր հայտարարեց Hard Rock International ընկերության ֆրանչայզինգի գործառնությունների փոխնախագահ Անիբալ Ֆերնանդեզը, հավելելով, որ յուրաքանչյուր Hard Rock Café-ն յուրահատուկ է, բացմանը տոնական տրամադրությունն՝ ապահոված:
Նշենք, որ Hard Rock International ընկերության հետ համագործակցությունը հնարավոր է դարձել Հայաստանի պետական հետաքրքրությունների ֆոնդի (ԱՆԻՖ) և «Ֆուդ Ռեփաբլիք» ընկերության համագործակցության շնորհիվ:
«Ֆուդ Ռեփաբլիք» ընկերության հիմնադիր Արսեն Հովհաննիսյանը նշեց, որ Hard Rock Café-ն 50-ամյա պատմություն ունի, ներկայացված է աշխարհի ավելի քան 68 երկրում և ընդգրկում է շուրջ 241 օբյեկտ, այդ թվում սրճարաններ, հյուրանոցներ, խաղատներ և նրանց թիվը գնալով ավելանում է:
Նրա տեղեկացմամբ, տարածքը 1000 քմ-ից ավել է, 290 ավելի հյուրեր կարող է ընդունել, իսկ որպես կանգնած հյուրեր, սրահը հնարավորություն ունի մինչև 500 մարդ ընդունել: «Նման գործընկերոջ հետ համագործակցություն նոր մշակույթ կսահմանի մեզ համար»,-շեշտեց նա:
Ա. Հովհաննսիյանը նաև նշեց, որ ոչ միայն սննդի ծառայություններ, նաև հետաքրքիր երաժշտական կոմպոնենետ կլինի՝ մանրածախ բաղադրիչ. Hard Rock –ի տարբերանշանով հագուստների վաճառք, որոնք կսկսեն Հայաստանը գովազդել նաև մեր երկրի սահմաններից դուրս:
Նաև նա հիշեցրեց, որ կան Hard Rock- ֆաներ, որոնք այցելում են նոր բացված սրճարանները, նաև կոլեկցիաներ են հավաքում:
Hard Rock ընկերությունից, Արսեն Հովհաննիսյանի խոսքով, մի քանի անգամ այցելել են Հայաստան, ուսումնասիրել շենքի պայմանները, ձայնային ակուստիկան և այլն:
«Ձեռնարկատեր գումարած Պետություն հակաճգնաժամային ներդրումների կառավարիչ» ՓԲԸ-֊ի տնօրեն Բելլա Մանուկյանն իր հերթին հավելեց, որ նախագիծը կարևոր է նաև երևանցիների և այցելուների համար. ԱՆԻՖ-ը փնտրում և գտնում է բիզնես գործընկերներ և նախագծեր, խնդիր է դրված տեղական բիզնեսի զարգացումը:
Նրա խոսքով, ընկերության մասնաճյուղի բացումը նաև մուլտիպլիկատիվ էֆեկտ է ունենալու. նման ընկերությունները երկիր են բերում ոլորտում որակական փոփոխությունների, նոր մշակույթ, սոցիալական կոմպոնենտ և այլն:
«Մեր կողմից ներդրված գումարը լրացուցիչ կապիտալ կգեներացնի պետության համար»,- շեշտեց Բելլա Մանուկյանը:
Նշենք, որ սրճարանն ունենալու է ժամանակակից ինտերեր, այն կգործի Պուշկին 3-1 հասցեում: Երկհարկանի սրճարանն ունենալու է փակ և բացօթյա սրահներ: Առաջին հարկում գտնվող սրահում նախատեսված է ռոք համերգների համար:
Սրճարանի բացօթյա սրահը լիենլու է Hard Rockcafe Yerevan-ի երկրորդ հարկում, այստեղ գործելու է նաև երաժշտական հուշանվերների ցուցադրություն: Սրճարանն ի թիվս բուրգերների, սենդվիչների, աղցաններր և աղանդերի, առաջարկելու է նաև իր ֆիրմային Փոթորիկ կոկտեյլը:
Տարածքում գործելու է նաև Rock Shop-ը, որտեղ ռոքասերները կարող են գտնել ռոքին առնչվող ամեն ինչ՝ հուշանվերներ, գլխարկներ, աքսեսուրաներ և այլն:
Hard Rock-ին է պատկանում աշխարհի ամենամեծ և արժեքավոր երաժշտական հուշանվերների հավաքածուն, որն ընդգրկում է ավելի քան 86,000 ցուցանմուշ, որոնք ցուցադրված են աշխարհի տարբեր երկրներում գործող ընկերության մասնաճյուղերում: