Արտաշատ համայնքում կանոնավոր աղբահանությանը զուգահեռ՝ համայնքի տարբեր հատվածներում իրականացվում են սանմաքրման ու աղբահեռացման աշխատանքներ

‹‹Արտաշատ կոմունալ-սպասարկում›› ՀՈԱԿ-ի աշխատակիցները, չնայած ամառվա տապին, շարունակում են մաքրել ու կարգի բերել շենքերի բակերը, փողոցներն ու հասարակական նշանակության մյուս տարածքները:

Այս անգամ աշխատանքներն ընթացել են Արտաշատ քաղաքային համայնքի Շահումյան փողոցից մինչև Ներսիսյան փողոցի բազմաբնակարան շենքերի բակերը: Մաքրման աշխատանքներ են իրականացվել Արտաշեսյան խճուղում՝ Երևանյան փողոցից մինչև Պատկանյան փողոցն ընկած հատվածում: