Կառավարությունն ազատել է «ԻՆՏԵՐՆԵՅՇՆԼ ՄԱՍԻՍ ՏԱԲԱԿ» ընկերությանը ներմուծման մաքսատուրքից
ՀՀ Կառավարությունն այսօրվա՝ հուլիսի 20-ի նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատել է «ԻՆՏԵՐՆԵՅՇՆԼ ՄԱՍԻՍ ՏԱԲԱԿ» ընկերությանը:
Ըստ Կառավարության որոշման նախագծի հիմնավորման՝ «ԻՆՏԵՐՆԵՅՇՆԼ ՄԱՍԻՍ ՏԱԲԱԿ» ՍՊԸ կողմից ներմուծվող հումքը նախատեսվում է օգտագործել ծխախոտի արտադրության համար։ Ընկերությունը նախատեսում է թողարկված արտադրանքի 80% և ավելի արտահանել ԵԱՏՄ և երրորդ երկրներ։
Արտադրությունն իրականացվելու է ՀՀ Մասիս քաղաքում։ Ընկերությունը հիմնադրվել է 2002 թվականին։
Ծրագրի շրջանակներում նախատեսվում է իրականացնել 175․5 մլրդ դրամի ներդրում՝ հումքի ձեռքբերման համար։
Նախատեսվում է ներդրումային ծրագրի շրջանակներում ստեղծել 150 նոր աշխատատեղ՝ մինչև 807 հազ․ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 175.5 մլրդ դրամ: Մաքսատուրքից ազատման արտոնությունը գնահատվում է 8.5 մլրդ դրամ: