Լեռնակերտ գյուղի մանկապարտեզի հիմնանորոգման աշխատանքները սկսվել են և ընթացքի մեջ են

Արթիկ համայնքում իրականացվելիք սուբվենցիոն ծրագրերի շրջանակում Լեռնակերտ գյուղի մանկապարտեզի հիմնանորոգման աշխատանքները սկսվել են և ընթացքի մեջ են։

Տանիքի հիմնանորոգման և նոր պատուհանների տեղադրման աշխատանքներն ավարտված են, այժմ ընթանում են արտաքին պատերի ջերմամեկուսացման և ներսի հիմնանորոգման աշխատանքները։

Ծրագրի ընդհանուր գումարը կազմում է 92 մլն 32.000 դրամ։

Ծրագրի գումարից 69 մլն 24.000 դրամը սուբվենցիայով տրվող գումարն է, իսկ 23 միլիոն դրամը՝ համայնքի ներդրումը։

Շինարարական աշխատանքների իրականացման մրցույթը շահել է <<Գոհարիկ>> ՍՊԸ-ն, որի հետ կնքվել է պայմանագիր։

Աշխատանքները մեկնարկել են 2023 թվականի մարտին, ավարտը նախանշվում է 2023 թվականի նոյեմբերին։