Չինաստանի և Ուկրաինայի միջև ապրանքաշրջանառությունը հունվար-հուլիսին նվազել է 23.6%-ով

ՉԺՀ-ի մաքսային գլխավոր վարչության տվյալների համաձայն՝ չին-ուկրաինական առևտրի ծավալը հունվար-հուլիսին նվազել է 23.6%-ով՝ 2022-ի նույն ժամանակահատվածի համեմատ և կազմել է մոտ 4.43 միլիարդ դոլար։

Հրապարակված վիճակագրության համաձայն՝ երկու երկրների միջև ապրանքաշրջանառության նվազման դինամիկան հունվար-հունիսի համեմատ նվազ զգալի է ստացվել։

Գործակալության տվյալներից հետևում է, որ այս տարվա յոթ ամիսների ընթացքում Չինաստանը Ուկրաինա է արտահանել 1.43 միլիարդ դոլարի ապրանք։ Չինաստան ներմուծումը նույն ժամանակահատվածում կրճատվել է 13%-ով՝ հասնելով մոտ 3 միլիարդ դոլարի, ուկրաինական կողմի դրական մնացորդը 2022-ի նույն ժամանակահատվածի համեմատ աճել է 45%-ով՝ հասնելով 1.57 միլիոն դոլարի։

Միայն հուլիսին Չինաստանը Ուկրաինային վաճառած ապրանքների արժեքը հասել է 260,16 միլիոն դոլարի, ինչը 11.7%-ով ավելի է, քան հունիսին։ Հակառակ ուղղությամբ ապրանքների հոսքը կազմել է 336,83 միլիոն դոլար՝ մեկ ամսվա կտրվածքով նվազելով 21.7%-ով։ Արդյունքում երկու երկրների միջև հուլիսյան ապրանքաշրջանառությունը կազմել է 597 միլիոն դոլար և 10%-ով պակաս է հունիսի համեմատ։

Ուկրաինան Չինաստանին եգիպտացորենի առաջատար մատակարարն է։ GTU-ի վիճակագրությունից հետևում է, որ այս ապրանքը կազմում է այս երկրից հունվար-հուլիս ամիսներին Չինաստանի ներմուծման արժեքի մոտավորապես 54%-ը։

Աղբյուրը՝   b24.am