«ՀԻՆ ԱՐԵՆԻ» ընկերությունն ազատվել է ներմուծման մաքսատուրքից․ նախատեսվում է իրականացնել 1․8 մլրդ դրամի կապիտալ ներդրում
Կառավարությունն իր այսօրվա նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց «ՀԻՆ ԱՐԵՆԻ» փակ բաժնետիրական ընկերությանը:
«ՀԻՆ ԱՐԵՆԻ» ընկերության կողմից ներմուծվող սարքավորումները և հումքը նախատեսվում է օգտագործել գինեգործության և խաղողագործության ոլորտում։
Արտադրությունն իրականացվելու է ՀՀ Վայոց Ձորի մարզում։ Ընկերությունը հիմնադրվել է 2013 թվականին։
Ծրագրի շրջանակներում նախատեսվում է իրականացնել 1․8 մլրդ դրամի կապիտալ ներդրում։
Նախատեսվում է ներդրումային ծրագրի շրջանակներում ստեղծել 32 նոր աշխատատեղ՝ մինչև 300 հազ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 230 մլն դրամ: Մաքսատուրքից ազատման արտոնությունը գնահատվում է 23․3 մլն դրամ։