Համաշխարհային բանկը Թուրքիային 35 միլիարդ դոլար կհատկացնի
Համաշխարհային բանկը նախատեսում է Թուրքիային տրամադրել 35 միլիարդ դոլարի օգնության փաթեթ՝ իր միջնաժամկետ տնտեսական ծրագրի իրականացման համար։
«Մեր Կենտրոնական բանկի ղեկավարի հետ երկար հանդիպում ունեցանք Համաշխարհային բանկի նախագահի հետ, խոսեցինք մեր ծրագրի մասին, Համաշխարհային բանկը ասաց, որ 18 միլիարդ դոլարից բացի արդեն նախատեսված 17 միլիարդ դոլարից կհատկացնեն մեր ծրագրին աջակցելու համար։ Ընդհանուր առմամբ՝ Համաշխարհային բանկի կողմից Թուրքիային կտրամադրվի 35 միլիարդ դոլարի աջակցության փաթեթ», – ասել է Թուրքիայի ֆինանսների նախարարը:
ՊԱշտոնյան նշել է, որ Անկարայի միջնաժամկետ ծրագրի հիմնական բաղադրիչներից մեկը գնաճի դեմ արդյունավետ պայքարն է։
«Ծրագիրը գնաճը կվերադարձնի ողջամիտ մակարդակի, միանիշ մակարդակի, սա ամենագլխավոր նպատակն է՝ երեք տարվա ընթացքում գնաճը հասցնել միանիշ թվի, դժվար է, բայց հնարավոր է»,- ասել է նախարարը։
Թուրքիայում 2023 թվականի վերջին գնաճը կարող է գերազանցել 65%-ը։ Սակայն կառավարության ծրագրով 2024-ին այն պետք է կազմի 33%, իսկ 2026 թվականին աստիճանաբար իջնի 8.6%-ի։
Աղբյուրը՝ b24.am