Volkswagen-ի գործարանները վերսկսել են աշխատանքը տեխնիկական խնդրից հետո
Գերմանական Volkswagen ավտոարտադրողի ՏՏ համակարգերում խնդիրները վերացվել են, իսկ Գերմանիայում ընկերության գործարաններում արտադրությունը վերսկսվում է։
«Volkswagen-ի համակարգերում ՏՏ ենթակառուցվածքի հետ կապված խնդիրները լուծվել են մեկ գիշերվա ընթացքում, և ցանցը կրկին կայուն է աշխատում»,- ասել է ավտոարտադրողի ներկայացուցիչը։
Ընկերությունը վերագործարկում է տուժած մեխանիզմները։ Համաշխարհային արտադրական ցանցը գործարկվում է, և արտադրությունը պետք է ընթանա նախատեսվածի համաձայն։ Անհատական համակարգերը դեռ կարող են անկայուն լինել այս փուլում: Խոսնակի խոսքով՝ չկա որևէ նշան, որ խափանումը տեղի է ունեցել արտաքին ազդեցության հետևանքով:
Գերմանիայում Volkswagen-ի չորս գործարանում արտադրությունը դադարեցվել է ընկերության ՏՏ համակարգերում առկա խնդիրների պատճառով։ Խափանումը գրանցվել է կեսօրին Վոլֆսբուրգի գլխավոր գործարանի գրասենյակներում։ Արտադրությունը դադարեցվել է ևս երեք հավաքման գծերում:
Աղբյուրը՝ b24.am