էկոնոմիկայի նախարարությունում կայացել է գործարար համայնքի իրազեկման բարձրացմանը նվիրված միջոցառում
ՀՀ էկոնոմիկայի նախարարությունում հոկտեմբերի 16-ին ՀՀ-ԵՄ Համապարփակ և ընդլայնված գործընկերության համաձայնագրի (CEPA) շրջանակներում գործարար համայնքի հետ անց է կացվել իրազեկման բարձրացմանն ուղղված միջոցառում, որը կազմակերպվել է ՀՀ էկոնոմիկայի նախարարության և ՀՀ-ում ԵՄ պատվիրակության հետ համատեղ։ Միջոցառմանը մասնակցել են Էկոնոմիկայի նախարարի տեղակալ Ռաֆայել Գևորգյանը, Եվրոպական հանձնաժողովի առևտրի գլխավոր տնօրինության ներկայացուցիչ Մարկո Դյուերքոփը, ինչպես նաև Հայաստանի գործարար միջավայրի ներկայացուցիչներ։
Ըստ Էկոնոմիկայի նախարարության հաղորդագրության՝ միջոցառման ընթացքում քննարկվել են պետական գնումներին, առևտրում՝ ֆինանսական ծառայություններին, ԵՄ պատժամիջոցներին, ինչպես նաև Հայաստանի հանրապետությունից ԵՄ արտահանվող ապրանքների նկատմամբ կիրառվող պահանջներին և սահմանված ընթացակարգերին առնչվող հարցեր։
Քննարկվել են նաև Համապարփակ և ընդլայնված գործընկերության համաձայնագրի համապատասխան դրույթների իրականացմանը վերաբերող հարցեր։
