Հիմնանորոգվել է Լճաշեն գյուղի կիկլոպյան ամրոց տանող ճանապարհը
Գեղարքունիքի մարզի Սևան համայնքի Լճաշեն գյուղում ՀՀ պետբյուջեի տրամադրած միջոցների հաշվին արդեն ավարտվել են կիկլոպյան ամրոց տանող ճանապարհի հիմնանորոգման աշխատանքները։
Լճաշենի կիկլոպյան ամրոց տանող ճանապարհի հիմնանորոգման ծրագրի պայմանագրային արժեքը կազմել է 236, 5 միլիոն դրամ։ Ծրագրով նախատեսված է կիկլոպյան ամրոց տանող ճանապարհի ասֆալտբետոնե հին ծածկի քանդում և հեռացում, նոր հիմքի և երկշերտ ասֆալտբետոնե ծակի տեղադրում, բազալտե եզրաքարերի, մայթերի, ջրահեռացման համակարգի կառուցում։
Երթևեկելի մասում և մուտքերում ճանապարհն ասֆալտապատվել է 1,2 կիլոմետր երկարությամբ՝ 11 հազար 200 քառակուսի մետր մակերեսով։ Իրականացվել են նաև ճանապարհի կահավորման աշխատանքներ։ Շինարարական աշխատանքները մեկնարկել էին 2023 թվականի հունիսին և ավարտին հասցվել հոկտեմբերի սկզբին։ Ճանապարհաշինական աշխատանքներն իրականացրել են «Ճանշին» ՍՊԸ շինարարները։
Աղբյուրը՝ armenpress.am