Գազիֆիկացվում է Սարալանջ թաղամասը

Բյուրեղավան քաղաքում իրականացվում է չափազանց կարևոր ծրագիր՝ համայնքի բյուջեի միջոցներով գազիֆիկացվում է Սարալանջ թաղամասը։

Գազիֆիկացման մեկնարկը տրված է։

Աշխատանքների շրջանակում անցկացվել է 600 մ երկարությամբ վերգետնյա գազատար խողովակաշար, տեղադրվելու է ճնշման կարգավորիչ համակարգ։ Այս պահին աշխատանքներն ընթանում են և առաջիկա օրերին կավարտվեն։ Ծրագրի բյուջեն կազմել է 8 մլն 100 հազ․ դրամ:

Գազիֆիկացման ծրագրի ավարտից հետո շուրջ 50 տնտեսություն կապահովվի կապույտ վառելիքով:

Գազիֆիկացման աշխատանքներն իրականացվել են Սարալանջ թաղամասի բնակիչների խնդրանքով՝ ելնելով նաև համայնքի առաջնահերթ լուծում պահանջող ծրագրերի իրականացումից։