Գերմանիան և Հայաստանը էներգետիկ առումով զգալիորեն կախված են ՌԴ-ից, և դա մեկ օրում հնարավոր չէ փոխել․ Բերբոք
Գերմանիան և Հայաստանը էներգետիկ առումով կախված են Ռուսաստանից, և դա մեկ օրում հնարավոր չէ փոխել: Ինչպես հաղորդում է «Արմենպրես»-ը, այս մասին Երևանում ՀՀ ԱԳ նախարար Արարատ Միրզոյանի հետ հանդիպումից հետո կայացած ասուլիսին ասաց Գերմանիայի արտաքին գործերի նախարար Անալենա Բերբոքը։
«Գերմանիան նույնպես զգալիորեն կախված է Ռուսաստանից էներգետիկ առումով և Հայաստանն էլ ևս կախվածություն ունի, և դա մեկ օրում փոխել հնարավոր չէ։ Մենք նաև հասկանում ենք, թե որքանով է Հայաստանը կախված Ռուսաստանից։ Գիտենք, որ մեզ ամուր գործընկերներ են պետք` կախվածությունը թուլացնելու համար։ Գերմանիան ազատվում է այդ կախվածությունից։ Մեզ պետք են նոր նախագծեր, նոր ենթակառուցվածքներ էներգետիկ անվտանգության ապահովման համար», - ասաց Գերմանիայի ԱԳ նախարարը, հավելելով, որ դա կարող է լինել «Սևծովյան մալուխի» նախագիծը։
Նրա խոսքով՝ Գերմանիան և Հայաստանը կարող են ավելի սերտ համագործակցել էներգետիկ անվտանգության ոլորտում: