Մեծ Բրիտանիան մտադիր է տարեկան նոր արտոնագրեր տրամադրել գազի և նավթի արդյունահանման համար
Մեծ Բրիտանիայի կառավարությունը մտադիր է օրենսդրորեն ընդունել նավթի և գազի հանքավայրերի շահագործման համար տարեկան նոր լիցենզիաների տրամադրումն՝ ազգային անվտանգության ամրապնդման նպատակով։ Այս մասին հայտարարել է վարչապետ Ռիշի Սունակի գրասենյակը։
Բրիտանական իշխանությունները կարծում են, որ սեփական հանքավայրերի շահագործումը կնվազեցնի նավթի և գազի ներմուծումը, այդ թվում՝ Ռուսաստանի Դաշնությունից, և կապահովի 200 հազար աշխատատեղ։ Վարչապետի գրասենյակի հայտարարության մեջ ասվում է, որ օրենքի նախագիծը, որը կներկայացվի խորհրդարան նոյեմբերի 7-ին, կապահովի որոշակիություն և վստահություն կհաղորդի ներդրողներին:
«Մեծ Բրիտանիան կշարունակի հույսը դնել նավթի և գազի վրա՝ բավարարելու իր էներգետիկ կարիքները նույնիսկ այն բանից հետո, երբ 2050 թվականին հասնի ածխածնի ինքնաբավության»:
Կառավարությունը նախընտրում է խրախուսել ներքին գազի արտադրությունը, այլ ոչ թե ներկրել հեղուկ բնական գազ՝ ավելի բարձր ածխածնի արտանետումներով։ Վարչապետի գրասենյակը հավելել է, որ նավթի և գազի արդյունաբերությունը տարեկան 16 միլիարդ ֆունտ (20 միլիարդ դոլար) է բերում երկրի տնտեսությանը։
Ինչպես պարզաբանում է կառավարությունը, լիցենզավորման յուրաքանչյուր նոր փուլ տեղի կունենա միայն երկու պայմանի կատարման դեպքում. Եթե Մեծ Բրիտանիայի սեփական նավթի և գազի արդյունահանումը ավելի ցածր է, քան ներմուծումը, և եթե Մեծ Բրիտանիայի բնական գազի արտադրության հետ կապված ածխածնի արտանետումները ավելի ցածր են, քան ներմուծվող հեղուկացված բնական գազից ստացված համարժեք արտանետումները:
Աղբյուրը՝ b24.am