Գիտության ոլորտի ծախսերը 2024թ-ին

2024թ-ի պետական բյուջեի նախագծով նախատեսվում է գիտական և գիտատեխնիկական գործունեության ոլորտին ուղղել 37.7 միլիարդ ՀՀ դրամ` 4.1%-ով կամ 1.5 միլիարդ դրամով ավել, քան նախատեսվել էր 2023թ-ին: Այս մասին տեղեկանում ենք ACSES-ը վերլուծական կենտրոնից։

 Համաձայն 2024թ-ի բյուջեի նախագծի՝ գիտության ոլորտի ծախսերի մասնաբաժինը բյուջեի ընդհանուր ծախսերի մեջ կնվազի հասնելով 1.25%-ի՝ 2023-ի համար նախատեսված 1.4%-ի փոխարեն, իսկ ՀՆԱ նկատմամբ գիտության ծախսերը կկազմեն 0.36%` նախորդ տարվա պլանի համեմատ նվազելով 0.03 տոկոսային կետով։

Ընդհանուր առմամբ գիտության ոլորտում նախատեսվում է իրականացնել 20 միջոցառում, որոնցից երկուսին բաժին է հասնում ոլորտի համար նախատեսված ծախսերի ավելի քան 60%-ը։