Քաղաքաշինական բոլոր նորմերը հասանելի են Քաղաքաշինության կոմիտեի www.minurban.am կայքում

ՀՀ քաղաքաշինության կոմիտեից տեղեկացնում են, որ քաղաքաշինական բոլոր նորմերն ու նորմատիվատեխնիկական փաստաթղթերի վերջին թարմացումներն այսուհետ հասանելի են Քաղաքաշինության կոմիտեի www.minurban.am կայքում: «Իրավական ակտեր» հատվածում ստեղծվել է «Նորմատիվատեխնիկական փաստաթղթերի ցանկ» բաժինը, որտեղ հաստատվելուն և հրապարակվելուն պես զետեղվում են բնագավառի վերջին կարգավորումները:

Անհրաժեշտ նորմերը հեշտությամբ գտնելու համար դրանք խմբավորված են ըստ ուղղությունների, oրինակ՝ «Տրանսպորտային կառույցներ», «Շինարարական կոնստրուկցիաներ», «Բնակելի, հասարակական և արտադրական շենքեր ու շինություններ»:

Մշտապես թարմացվող էլեկտրոնային շտեմարանը մեկտեղում է www.arlis.am համակարգում առանձին-առանձին հրապարակվող փաստաթղթերը:

Ի դեպ,  www.minurban.am  կայքում գործում է նաև նորմերի՝ բանալի բառերով որոնման պարզ համակարգ:

Նորմերի մշակումը և արդիականացումը Կառավարության գործունեության ծրագրով Քաղաքաշինության կոմիտեին վերապահված և քաղաքաշինության բնագավառի զարգացման ռազմավարության հիմնական ուղղություններից է: Միայն 2022թ. կոմիտեի համակարգմամբ մշակվել կամ արդիականացվել է ընդհանուր առմամբ 20 նորմատիվատեխնիկական փաստաթուղթ: Նույնքան էլ նախատեսված է 2023թ., որից 7-ն արդեն մշակվել և հրապարակվել է:

Հրապարակված նորմեր

1.       ՀՀՇՆ 30-01-2023 «Քաղաքաշինություն. Քաղաքային և գյուղական բնակավայրերի հատակագծում և կառուցապատում»  
https://www.arlis.am/DocumentView.aspx?DocID=178406

2.      ՀՀՇՆ 31-04.02-2023 «Ջերմոցներ» 
https://www.arlis.am/DocumentView.aspx?DocID=182578

3.      ՀՀՇՆ 31-03.05-2023 «Բարձրագույն ուսումնական հաստատությունների շենքեր ու շինություններ» 
https://www.arlis.am/DocumentView.aspx?DocID=183909

4.      ՀՀՇՆ 22-02.01-2023 «Տարածքների, շենքերի և շինությունների ինժեներական պաշտպանությունը երկրաբանական վտանգավոր երևույթներից» https://www.arlis.am/DocumentView.aspx?DocID=183655

5.      ՀՀՇՆ 31-04.03-2023 «Շենքեր և սենքեր անասնաբուծական, թռչնաբուծական, գազանաբուծական. Նախագծման նորմեր»  
https://www.arlis.am/DocumentView.aspx?DocID=184131

6.     ՀՀՇՆ 33-02-2023 «Հենապատեր, նավարկելի ջրարգելակներ, ձկնաթողման և ձկնապաշտպան շինություններ» 
https://www.arlis.am/DocumentView.aspx?DocID=184605

7.  ՀՀՇՆ 32-06-2023 «Մետրոպոլիտեններ» 
https://www.arlis.am/DocumentView.aspx?DocID=184774