Ռուսաստանը և Բելառուսը ազատ տնտեսական գոտիների մասին հուշագիր են ստորագրել

Ռուսաստանի և Բելառուսի տնտեսական գերատեսչությունները հուշագիր են ստորագրել ազատ տնտեսական գոտիների ստեղծման և զարգացման վերաբերյալ։ Հուշագիրը ստորագրվել է Բրեստում ընթացող Ռուսաստանի տնտեսական զարգացման նախարարության և Բելառուսի էկոնոմիկայի նախարարության կոլեգիաների համատեղ նիստում։

Հուշագրից բացի, Ռուսաստանի Դաշնության տնտեսական զարգացման նախարար Մաքսիմ Ռեշետնիկովը և Բելառուսի էկոնոմիկայի նախարար Ալեքսանդր Չերվյակովը ստորագրել են հանդիպման արձանագրությունը։

Հաստատվել է նաև Ռուսաստանի Դաշնության տնտեսական զարգացման նախարարության, Բելառուսի էկոնոմիկայի նախարարության և Բելառուսի սպորտի և զբոսաշրջության նախարարության միջև զբոսաշրջության զարգացման գործնական միջոցառումների ճանապարհային քարտեզը:

Այսպիսով, կողմերը կհամագործակցեն նաև զբոսաշրջության ոլորտում:

Աղբյուրը՝   b24.am