2023 թվականի սուբվենցիոն ծրագրի շրջանակում Ջրվեժ համայնքի երեք բնակավայրերում իրականացվել են ասֆալտապատման աշխատանքներ

Կառավարության 2023 թվականի սուբվենցիոն ծրագրի շրջանակում #Կոտայքի մարզի #Ջրվեժ համայնքի երեք բնակավայրերում՝ #Ջրվեժում, #Ձորաղբյուրում և #Զովքում իրականացվել են ներհամայնքային ճանապարհների ասֆալտապատման աշխատանքներ։

Բարեկարգվել են թվով 14 փողոցներ՝ ընդհանուր 3,3 կմ երկարությամբ, 19695,5քմ ընդհանուր մակերեսով։

Ծրագրի արժեքը 128 888 268 ՀՀ դրամ է, որից 35 %-ը պետական բյուջեի ֆինանսավորման չափն է, իսկ 65 %-ը` համայնքի ներդրումը:

#Ջրվեժ համայնքում 2023 թվականին հաստատվել են նաև ուսումնամշակութային կենտրոնի, պոմպակայանի շենքի, աղբյուրակապերի կառուցման ծրագրեր, որոնք ընթացքի մեջ են:

Կառավարության սուբվենցիոն ծրագրերով տարբեր աշխատանքներ են իրականացվում նաև #Ակունք համայնքում:

2022 թվականի սուբվենցիայի շրջանակում #Ակունք համայնքի #Նոր գյուղ բնակավայրում հիմքից մանկապարտեզ է կառուցվում:

#Նոր գյուղում շատ երկար տարիներ մանկապարտեզ չի գործել: Կառուցվող շենքը նախատեսված է 90 երեխայի համար, գործելու է երեք խմբով: Ծրագրի ընդհանուր արժեքը շուրջ 205 մլն. դրամ է, որից 70 %-ը կառավարության, 30 %-ը՝ համայնքի ներդրումն է:

Շենքի կառուցման ավարտը նախատեսված է մինչև տարեվերջ:

2024 թվականի սուբվենցիոն ծրագրի շրջանակում էլ նախատեսում են գույքի ձեռքբերում, բակի բարեկարգում, և մանկապարտեզը շահագործման հանձնել 2024 թվականի սեպտեմբերից:

#Ակունքի բնակավայրերում էլ կառավարության սուբվենցիոն ծրագրերով իրականացվում են ջրամատակարարման համակարգի բարելավման աշխատանքներ:

#Զառ և #Սևաբերդ բնակավայրերի ջրամատակարարման համակարգերի բարելավում ծրագիրը մեկնարկել էր դեռևս 2022 թվականին: Ծրագրի ընդհանուր արժեքն ավելի քան 224 միլիոն դրամ է:

2022 թ-ին աշխատանքներ էին իրականացվել Սևաբերդում և Զառում: Այս տարի Զառում աշխատանքները շարունակվում են: