ՀՀ վարչապետը հայտնեց, թե որ դեպքում 2024-ին չեն կարողանալու ապահովել 7 տոկոս տնտեսական աճ

Կառավարությունը 2024 թվականին չի կարողանա ապահովել 7 տոկոս տնտեսական աճ, եթե պետական բյուջեի կապիտալ ծախսերում էական փոփոխություններ չկատարվեն։ «Արմենպրես»-ի հաղորդմամբ՝ այս մասին նշեց ՀՀ վարչապետ Նիկոլ Փաշինյանը՝ ուղիղ եթերում պատասխանելով քաղաքացիների հարցերին։

«Մենք 2018 թվականի նկատմամբ եռապատկել ենք կապիտալ ծախսերը։ 2024 թվականին 7 տոկոս տնտեսական աճ չենք կարողանալու ապահովել, եթե մեր կապիտալ ծախսերի իրականացման որակում էական բաներ չփոխենք։ Եվ իմ խնդրանքը, հորդորը, պահանջը և հանձնարարականն է մեր պետական ամբողջ ապարատին, որ այս հարցում իմ հանձնարարությունները ճշգրիտ կատարեն»,- հորդորեց Փաշինյանը։