Հայաստանում տնտեսական ակտիվության աճը 2023թ. հունվար-հոկտեմբերին դանդաղել է մինչև 9,2%՝ նախորդ տարվա 14,5%-ից

Հայաստանում տնտեսական ակտիվության աճը 2023 թվականի հունվար-հոկտեմբերին դանդաղել է մինչև տարեկան 9,2% (նախորդ տարվա 14,5% - ից)՝ ուղեկցվելով արտահանման և ներմուծման բարձր դինամիկայի արդեն ավելի նկատելի արգելակմամբ։ Այդ մասին են վկայում ՀՀ վիճակագրական կոմիտեի նախնական տվյալները։

Վիճակագրության համաձայն, 2023թ. հունվար-հոկտեմբեր ամիսներին տնտեսական ակտիվության աճը պայմանավորել են առևտրի հատվածը՝ տարեկան 23,3% - ով, շինարարության ոլորտը ՝ 16,4%-ով, և ծառայությունների ոլորտը՝ 12,1%-ով, իսկ արդյունաբերական հատվածը և էներգահամալիրը հայտնվել են, համապատասխանաբար, 0,5% և 3,5% անկման մեջ։ Իսկ ագրոհատվածի տվյալները բացակայում են, քանի որ հրապարակվում են միայն եռամսյակային և տարեկան հաշվետվություններում։ Մեկ տարի առաջ՝ 2022 թվականի հունվար-հոկտեմբեր ամիսներին, նշված բոլոր ոլորտներն աճ են գրանցել. ծառայությունների ոլորտ՝ 27,9%, էներգահամալիրը՝ 16,8%, առևտրի հատվածը՝ 15,5%, շինարարության ոլորտը՝ 14,4%, արդյունաբերության հատվածը՝ 9,9%։

Աղբյուրը՝   finport.am