Ղազախստանը բանակցություններ է վարել Թուրքմենստանի և Իրանի հետ պատժամիջոցների տակ գտնվող բեռների տարանցման շուրջ

Ղազախստանի տրանսպորտի նախարարությունը բանակցություններ է վարել Թուրքմենստանի և Իրանի հետ՝ պատժամիջոցների տակ գտնվող բեռների ազատ տարանցումն ապահովելու համար։ Այս մասին կառավարության նիստում հայտարարել է Ղազախստանի տրանսպորտի փոխնախարարը:

«Մենք բանակցություններ ենք վարել Թուրքմենստանի և Իրանի հետ՝ ապահովելու ազատ տարանցումը բեռները հարավային երթուղով Եվրոպա հասցնելու համար: Բեռնափոխադրումները ավելանում են, առաքման ժամկետներն ավելանում են, բայց այս երթուղին այլընտրանք է արգելված բեռների տեղափոխման և սահմանային բոլոր անցակետերի ժամանակ։ ԵՄ երկրները փակ են Ռուսաստանի և Բելառուսի հետ»,- ասել է պաշտոնյան:

Փոխնախարարի խոսքով՝ Բելառուսի և ԵՄ-ի միջև 13 անցակետերից 8-ը փակ են, իսկ Ռուսաստանի և Ֆինլանդիայի միջև՝ բոլորը։

«Ըստ բելառուսական կողմի՝ եվրոպական անցակետերը գործում են ստանդարտ թողունակության 40%-ից ոչ ավելի: Այս իրավիճակի պատճառով ղազախական մեքենաների պարապուրդը Բելառուսի և Լատվիայի հետ սահմանին մեծանում է», – ասել է նա:

Բելառուսի, Լիտվայի և Լատվիայի հետ սահմանին գտնվող անցակետում միջինում պարապուրդի է մատնված 800-ից մինչև 1.5 հազար մեքենա, որից մինչև 5%-ը պատկանում են ղազախական փոխադրողներին։

Աղբյուրը՝   b24.am