Ալեքսանդր Լուկաշենկո. ԵԱՏՄ-ն բաց է աշխարհի առաջատար տնտեսությունների հետ հավասար համագործակցության համար
ԵԱՏՄ երկրները մեկուսացված չեն արտաքին աշխարհից և բաց են առաջատար տնտեսական տերությունների հետ հավասար համագործակցության համար։ Այս մասին հայտարարել է Բելառուսի նախագահ Ալեքսանդր Լուկաշենկոն՝ ելույթ ունենալով Եվրասիական տնտեսական բարձրագույն խորհրդի նիստում։
«Մեր ինտեգրացիոն ասոցիացիան բաց է առաջատար տնտեսությունների հետ փոխշահավետ և իրավահավասար համագործակցության համար: Մենք չենք մեկուսանում արտաքին աշխարհից, որքան էլ որևէ մեկը դա ցանկանա»,- ասել է Լուկաշենկոն:
Նա ընդգծել է, որ ԵԱՏՄ գործընկերները երկխոսություն են կառուցում հավասարության և շահերի հարգման սկզբունքների վրա։ Որպես փաստարկ՝ նախագահը մատնանշել է Իրանի հետ համագործակցությունը:
«Վերջին օրինակը Իրանի հետ ազատ առևտրի գոտու ստեղծման մասին համաձայնագրի ստորագրումն է։ Այսօր այն Մերձավոր Արևելքի ամենամեծ տնտեսությունն է՝ Մերձավոր Արևելքի և Հարավային Ասիայի հետ հարավային առևտրային ուղու առանցքային տարրը»:
Աղբյուրը՝ b24.am