Եվրոպայում գազի պաշարները 85%-ից ցածր են

Ջեռուցման սեզոնի սկզբից Եվրոպայում ստորգետնյա պահեստարաններից գազի արտահանումը հասել է գրեթե 20 միլիարդ խորանարդ մետրի, իսկ գազապահեստարանների ընդհանուր պաշարներն իջել են 85%-ից:

Միևնույն ժամանակ այս շաբաթ Եվրոպայում ջերմաստիճանի զգալի նվազում է սպասվում։ Հեղուկ բնական գազի մուտքերը տարածաշրջան հունվարին նախորդ ամսվա համեմատ նվազել են։ Եվրոպայի բորսայում գազի գինը 1000 խորանարդ մետրի դիմաց 360 դոլարից իջել է։

Ներկայումս եվրոպական գազապահ օբյեկտները լցված են 84.27%-ով (13.05 տոկոսային կետով գերազանցում է այս ամսաթվի միջին ցուցանիշը վերջին հինգ տարվա ընթացքում): Դրանք պարունակում են 92.87 միլիարդ խորանարդ մետր գազ:

Եվրոպական երկրներն օգոստոսի կեսերին իրենց ստորգետնյա պահեստարանները գազով էին լցրել ջեռուցման սեզոնի համար նախատեսված նպատակային 90%-ով, իսկ դուրսբերման սեզոնի սկզբում նրանք կուտակել էին ռեկորդային 99.63%:

Աղբյուրը՝    b24.am