Ապօրինի 8 հորի շահագործում կասեցվել է. ԲԸՏՄ

Բնապահպանության և ընդերքի տեսչական մարմնի աշխատակիցներն Արմավիրի մարզի «Արմավիրի ջրամատակարար» ՀՈԱԿ-ում և ձկնաբուծությամբ զբաղվող «Արմավիրի ֆերմեր» ՓԲԸ-ում կատարած ստուգումների ընթացքում արձանագրել են ապօրինի ջրօգտագործման դեպքեր։

Չունենալով համապատասխան ջրօգտագործման թույլտվություններ, երկու կազմակերպություններն էլ ապօրինի շահագործել են ստորերկրյա 4-ական հոր։

Տեսչական մարմնի Արմավիրի տարածքային բաժնի պետի որոշումներով ապօրինի 8 հորի շահագործումն էլ կասեցվել է։

Նշանակվել են վարչական տուգանքներ, ընդհանուր՝ 1.630.000 դրամ:

Շրջակա միջավայրին հասցված վնասի հատուցման չափը, ընդհանուր` 3.821.940 դրամ։