Տաշիրի թիվ 1 հիմնական դպրոցի տանիքը կնորոգվի

Օրեր առաջ ուժգին քամու հետևանքով զգալիորեն վնասվել էր Տաշիրի թիվ 1 հիմնական դպրոցի մասնաշենքերից մեկի տանիքը: Խնդրի լուծման հնարավոր տարբերակները քննարկելու նպատակով այսօր Լոռու մարզպետի ժամանակավոր պաշտոնակատար Գոռ Ասրյանն այցելել էր դպրոց:

Նա տեղեկացրեց, որ խնդիրը քննարկվել է ոլորտային պատասխանատուների հետ և որոշվել է խնդրի լուծման առավել օպտիմալ տարբերակը: Քանի որ առաջիկայում դպրոցը ներառվելու է կլաստերի մեջ և նոր շենք է կառուցվելու, որոշում է կայացվել հարցին տալ ժամանակավոր լուծում:

Տնօրենը տեղեկացրեց, որ տանիքի փայտյա ծածկույթը գրեթե ամբողջությամբ պահպանվել է, պահպանվել է նաև թիթեղյա ծածկույթի շուրջ 40 տոկոսը:

Գ. Ասրյանը վստահեցրեց՝ մարզպետի աշխատակազմը աջակցություն կցուցաբերի ամենակարճ ժամկետներում տանիքը նորոգելու հարցում: