Ոստիկանությունը՝ շմոլ գազով թունավորման դեպքի մասին
Երևանում շմոլ գազից թունավորման դեպքեր են գրանցվել։ Հունվարի 17-ին ժամը 06.00-ին ՀՀ ՆԳՆ ոստիկանության Էրեբունու բաժին հաղորդում է ստացվել, որ «թունավորում շմոլ գազով» ախտորոշմամբ Նոր Արեշի 41 փողոցի տներից մեկից «Մուրացան» հոսպիտալ բուժօգնության է տեղափոխվել մանկահասակ երեք երեխա։
«ժամը 06.05-ին «Արմենիա» ԲԿ-ից հաղորդում է ստացվել, որ նշված հասցեից «թունավորում շմոլ գազով» ախտորոշմամբ իրենց մոտ բուժօգնության է տեղափոխվել երեք տղամարդ»,- ասացին ոստիկանությունից։
Հանգամանքները պարզվում են։ Կազմված փաստաթղթերը փոխանցվել են քննչական բաժին:
Աղբյուրը՝ radar.am