Հնդկաստանը համաշխարհային շուկայում քաղաքացիական ինքնաթիռների երրորդ խոշորագույն գնորդն է
Հնդկաստանը դարձել է քաղաքացիական ինքնաթիռների երրորդ խոշորագույն գնորդն աշխարհում՝ ԱՄՆ-ից և Չինաստանից հետո։ Այս մասին հաղորդում է The Economic Times պարբերականը։
«Հնդկաստանի կառավարությունը, վարչապետ Նարենդրա Մոդիի գլխավորությամբ, նպատակ է դրել մինչև 2030 թվականն ավիափոխադրումներում ուղևորահոսքը հասցնել 300 միլիոնի և երկրում օդանավակայանների թիվն ավելացնել մինչև 200:
Այդ խնդրի լուծմանը նպաստում է քաղաքացիական ինքնաթիռների գնումների մեր աճը: Հնդկաստանն այս ցուցանիշով դուրս է եկել աշխարհում երրորդ հորիզոնական», – հայտնել է Հնդկաստանի քաղաքացիական ավիացիայի նախարար Ջյոտիրադիտյա Շկինդիան։
2023 թվականին Հնդկաստանի Air India առաջատար ավիափոխադրողը 540 ինքնաթիռների գնման պատվեր է ներկայացրել Boeing-ին և Airbus-ին: Նույն տարում IndiGo ընկերությունը ներկայացրել է Boeing-ի և Airbus-ի արտադրության գրեթե 500 ինքնաթիռի գնման պատվեր, իսկ Հնդկաստանի Akasa նորաստեղծ ավիաընկերությունը 240 ինքնաթիռ է պատվիրել արտասահմանյան ավիաարտադրողներին:
Աղբյուրը՝ b24.am