Մինչև 2034 ԱՄՆ պետական պարտքը կաճի մինչև ՀՆԱ-ի 116%-ը
ԱՄՆ-ի պետական պարտքը մինչև 2034 թվականի վերջ կաճի մինչև ՀՆԱ-ի ռեկորդային 116%-ի չափով և կշարունակի աճել։ Նման կանխատեսում է արել Կոնգրեսի բյուջետային գրասենյակը։
Ինչպես հետևում է հրապարակված տվյալներից, պետական պարտքը տարեվերջին ՀՆԱ-ի 99%-ից մինչև 2034 թվականի վերջը կաճի ՀՆԱ-ի 116%-ը, ինչը կլինի երբևէ գրանցված ամենաբարձր ցուցանիշը։
«2034 թվականից հետո պարտքը կշարունակի աճել, եթե գործող օրենքները մնան հիմնականում անփոփոխ», – նշվում է փաստաթղթում։ Այսպիսով, Կոնգրեսի բյուջետային գրասենյակի գնահատականների համաձայն, ակնկալվում է, որ 2054 թվականին պետական պարտքը կկազմի ՀՆԱ-ի 174%-ը։
Կանխատեսվում է, որ 2024 ֆինանսական տարում ԱՄՆ դաշնային բյուջեի դեֆիցիտը կկազմի 1.6 տրիլիոն դոլար: 2025 թվականին այն կաճի մինչև 1.8 տրիլիոն դոլար, 2027 թվականին կնվազի մինչև 1.6 տրիլիոն դոլար, իսկ 2034 թվականի վերջում այն կհասնի 2.6 տրիլիոն դոլարի։
Հունվարի սկզբին ԱՄՆ պետական պարտքը գերազանցել է 34 տրիլիոն դոլարը։ 2023 թվականին այն աճել է ավելի քան 4 տրիլիոն դոլարով։ 2023 թվականի հունիսի 3-ին նախագահ Ջո Բայդենը ստորագրեց Կոնգրեսի կողմից նախկինում հաստատված օրինագիծը, որն ուղղված էր պետական պարտքի առաստաղի բարձրացմանը:
Աղբյուրը` b24.am