ԱՄԷ-ն բանակցում Եգիպտոսի ափին 22 միլիարդ դոլարով հողատարածք գնելու շուրջ
ԱՄԷ-ն բանակցություններ է վարում Եգիպտոսի Միջերկրական ծովի ափին 22 միլիարդ դոլար արժողությամբ պրեմիում հողատարածք գնելու շուրջ: Այս մասին հայտնում է Bloomberg-ը՝ հղում անելով աղբյուրներին։
Ըստ նրանց՝ Եգիպտոսը կկարողանա պահպանել տարածքի մոտավորապես 20%-ի սեփականությունը, որի ընդհանուր մակերեսը կազմում է 180 միլիոն քառակուսի մետր: Որոշ պետական ձեռնարկություններ և Եգիպտոսի խոշորագույն զարգացման ընկերություններից Talaat Moustafa Group-ը կունենան ոչ վերահսկիչ շահեր: Բանակցությունները շարունակվում են, վերջնական որոշում, ըստ աղբյուրների, դեռ կայացված չէ։
Եգիպտոսի ներդրումների և ազատ գոտիների գլխավոր վարչության գլխավոր տնօրեն Հոսամ Հեյբան CNBC Arabia-ին տված հարցազրույցում ասել է, որ նախնական տվյալներով՝ հնարավոր գործարքը գնահատվում է 22 միլիարդ դոլար, իսկ նախագիծը մոտ ապագայում կհամաձայնեցվի։
Գործարքը ոչ միայն պետք է ամրապնդի ԱՄԷ-ի և Եգիպտոսի միջև համագործակցությունը, այլև օգնի հյուսիսաֆրիկյան երկրին հաղթահարել վերջին տասնամյակների ամենածանր արժութային ճգնաժամը: Ակնկալվում է, որ Եգիպտոսը շուտով կիրականացնի արժույթի չորրորդ արժեզրկումը 2022 թվականի սկզբից ի վեր։ Այս միջոցն անհրաժեշտ է Արժույթի միջազգային հիմնադրամի հետ վարկի ավելացման բանակցությունները շարունակելու համար, ինչը կարող է երկրին ապահովել մոտ 10 միլիարդ դոլարի ֆինանսավորում։
Աղբյուրը՝ b24.am