Եգիպտոսի գյուղատնտեսական արտադրանքի արտահանումը 2023-ին հասել է ռեկորդային 9 միլիարդ դոլարի
Եգիպտական գյուղատնտեսական արտադրանքի արտահանումը 2023-ին հասել է 9 միլիարդ դոլարի ռեկորդային մակարդակի: Այս մասին հայտարարել է վարչապետ Մուստաֆա Մադբուլին՝ ելույթ ունենալով Դուբայում կայացած կառավարական համաշխարհային գագաթնաժողովում։
«Եգիպտոսի գյուղատնտեսական արտադրանքի արտահանումը 2023 թվականին հասել է ռեկորդային բարձր մակարդակի՝ հասնելով 9 միլիարդ դոլարի», – ասել է կառավարության ղեկավարը՝ հավելելով, որ երկրում մշակվող տարածքը 2023-ին աճել է մինչև 7.35 միլիոն հեկտար։
Ըստ Մադբուլիի՝ հանրապետական իշխանությունները չափազանց շահագրգռված են տեղական արտադրության և արդյունաբերական հատվածի զարգացմամբ։ Կառավարության ծրագրի համաձայն՝ մինչև 2030-ը արդյունաբերությունը կապահովի Եգիպտոսի ՀՆԱ-ի մինչև 20%-ը։ Նաև առաջիկա վեց տարում նախատեսվում է ավելացնել աշխատատեղերի թիվը 8 միլիոնով և ներդրումների և արտահանման տեսակարար կշիռը երկրի ՀՆԱ-ում հասցնել 50%-ի։
Սա ներառում է կյանքի որակի բարելավում, տնտեսական աճի ապահովում, անվտանգության կայուն իրավիճակի պահպանում և դիվանագիտական հարաբերությունների ընդլայնում տարածաշրջանի և այլ երկրների հետ։
Աղբյուրը` b24.am