Մարզպետի տեղակալ Նարեկ Ղուշչյանն ընդունել է ՀՀ-ում Շվեդիայի դեսպանին

Տավուշի մարզպետի տեղակալ Նարեկ Ղուշչյանն այսօր ընդունել է Հայաստանում Շվեդիայի թագավորության արտակարգ և լիազոր դեսպան Պատրիկ Սվենսոնին։ Հանդիպմանը մասնակցել են նաև մարզպետի աշխատակազմի գլխավոր քարտուղար Արման Գևորգյանը և Իջևան համայնքի ղեկավար Արթուր Ճաղարյանը։ 

Ողջունելով դեսպանին՝ Նարեկ Ղուշչյանը ներկայացրել է մարզը, մարզի զարգացման առաջնահերթությունները և համագործակցության հնարավորությունները։ 

Շնորհակալություն  հայտնելով ջերմ ընդունելության համար՝ դեսպան Պատրիկ Սվենսոնը իր պատրաստակամությունն է հայտնել՝ աջակցելու  ընդհանուր հետաքրքրություն ներկայացնող  ոլորտների զարգացման հարցում։ 

Քանի որ Տավուշի մարզը նույնպես Շվեդիայի նման հարուստ է անտառներով, հանդիպմանը հիմնականում քննարկվել են  բնապահպանական հարցեր։ Անդրադարձ է եղել ինչպես ոլորտին առնչվող  համատեղ ծրագրերի իրականացման մի շարք հարցերի, այնպես էլ գյուղական տուրիզմի զարգացմանը մարզում։