ԱՄՆ պետական ​​պարտքը մինչև 2050 թվականը կաճի մինչև ՀՆԱ-ի 200%-ը

Կոնգրեսի աուդիտի գրասենյակի փորձագետների կարծիքով՝ ԱՄՆ դաշնային կառավարության կողմից իրականացվող ֆինանսական քաղաքականությունը «բախվում է տնտեսական, սոցիալական և անվտանգության լուրջ մարտահրավերների»։ Ակնկալվում է, որ ԱՄՆ կառավարության պարտքը «տնտեսությունից ավելի արագ կաճի» և մինչև 2028-ը կհասնի ՀՆԱ-ի ռեկորդային 106%-ի։

Մինչև 2050-ը ԱՄՆ պետական ​​պարտքը, ըստ փորձագետների, կաճի մինչև 200%, եթե «եկամուտների և ծախսերի քաղաքականությունը մնա անփոփոխ»: Փորձագետները, որպես պետական ​​պարտքի աճի վրա ազդող հիմնական գործոն, անվանել են ԱՄՆ դաշնային բյուջեի մեծ դեֆիցիտը։

Ավելի վաղ Կոնգրեսի բյուջետային գրասենյակը հրապարակել էր կանխատեսում, որից հետևում է, որ 2024 ֆինանսական տարում երկրի դաշնային բյուջեի դեֆիցիտը կկազմի 1.6 տրիլիոն դոլար։ 2025-ին այն կաճի մինչև 1.8 տրիլիոն դոլար, 2027-ին կնվազի մինչև 1.6 տրիլիոն դոլար, իսկ մինչև 2034 թվականի վերջը կաճի մինչև 2.6 տրիլիոն դոլար։ ԱՄՆ-ի պետական ​​պարտքը, Կոնգրեսի բյուջետային գրասենյակի տվյալներով, մինչև 2034 թվականի վերջ կաճի մինչև ՀՆԱ-ի ռեկորդային 116%-ը և դրանից հետո կշարունակի աճել:

Աղբյուրը՝     b24.am