ԵՄ-ն պետք է տարեկան 500 միլիարդ եվրո ծախսի Չինաստանի և ԱՄՆ-ի հետ մրցելու համար
ԵՄ-ն պետք է տարեկան ծախսի 500 միլիարդ եվրո՝ շարունակելու իր «կանաչ և թվային անցումը» և միևնույն ժամանակ պահպանելու Չինաստանի և Միացյալ Նահանգների հետ մրցակցելու կարողությունը։ Այս մասին գրում է ամերիկյան Politico թերթի եվրոպական հրատարակությունը՝ հղում անելով Եվրամիության տնտեսական վիճակի մասին զեկույցի նախագծի արտահոսքին, որը ներկայումս պատրաստում է Եվրոպական կենտրոնական բանկի նախկին ղեկավար Մարիո Դրագին։
Դրագիի գնահատականների համաձայն՝ տարեկան 500 միլիարդ եվրոյի մոտ երկու երրորդը պետք է ստացվի մասնավոր ներդրումներից, իսկ մեկ երրորդը՝ պետական ներդրումներից (առանձին երկրներից և ընդհանուր առմամբ ԵՄ-ից): Գործնականում դա կպահանջի ԵՄ-ի խիստ կանոնների վերանայում բիզնեսին պետական սուբսիդիաներ տրամադրելու վերաբերյալ:
Աղբյուրը` b24.am