Չինաստանը նախատեսում է 2024-ին ստեղծել 12 միլիոն նոր աշխատատեղ
Չինաստանի իշխանությունները նախատեսում են այս տարի ստեղծել ավելի քան 12 միլիոն նոր աշխատատեղ։ Այս մասին ասվում է 14-րդ Ազգային Ժողովրդական Կոնգրեսի (Խորհրդարանի) 2-րդ նստաշրջանի բացման ժամանակ հրապարակված զեկույցում։
2024 թվականին Չինաստանում գործազրկության մակարդակը կկազմի մոտավորապես 5.5%։ Այս թիրախը հաշվի է առնում «տնտեսությունում աճող ռիսկերն ու մարտահրավերները, ինչպես նաև բնակչության հատուկ կատեգորիաների զբաղվածության վրա մեծացող ճնշումը»:
Պաշտոնական հաշվարկների համաձայն՝ 2023-ին Չինաստանում ստեղծվել է 12.44 միլիոն նոր աշխատատեղ։ Երկրում գործազրկության մակարդակը նվազել է 0.4 տոկոսային կետով և կազմել 5.2%։ Այս ցուցանիշը հաշվի է առնում իրավիճակը միայն քաղաքային համայնքներում. Չինաստանի Ժողովրդական Հանրապետության պետական վիճակագրական վարչությունը կանոնավոր հաշվետվություններում չի տրամադրում տվյալներ գյուղական բնակավայրերի զբաղվածության շուկայի մասին՝ պայմանավորված հիմնական գործոնների, մասնավորապես աշխատանքային միգրացիայի հատուկ բնույթով:
Աղբյուրը՝ b24.am