ԱՄՆ-ը ցանկանում է գործընկեր լինել Կենտրոնական Ասիայում

ԱՄՆ-ն ցանկանում է լինել կառուցողական գործընկեր Կենտրոնական Ասիայի պետությունների հետ՝ տարածաշրջանի տնտեսական հզորությունն ամրապնդելու համար ներկայիս աշխարհաքաղաքական տեղաշարժերի պայմաններում: Այդ մասին հայտարարել է ԱՄՆ նախագահի հատուկ օգնական, Ազգային անվտանգության խորհրդի Ռուսաստանի և Կենտրոնական Ասիայի գծով ավագ տնօրեն Նիկոլաս Բերլիները։

«Մենք ապրում ենք մի ժամանակաշրջանում, երբ գլոբալ աշխարհաքաղաքականության մեջ մեծ ցնցումներ են տեղի ունենում, Կենտրոնական Ասիան դա գիտի, ինչպես ոչ ոք, քանի որ այն գտնվում է այս տեղաշարժերի կենտրոնում, և հիմա ամենահեշտ ժամանակը չէ: Միացյալ Նահանգները ցանկանում է լինել ամենակառուցողական գործընկերը, որը թույլ կտա Կենտրոնական Ասիային զարգացնել իր ճկունությունը և մեծացնել իր տնտեսական հզորությունը», – ասել է ամերիկացի պաշտոնյան:

Նա նշել է, որ տարածաշրջանի տնտեսությունների ամրապնդման համար կա համագործակցության տարբերակ, մեծացնելով կապը Կենտրոնական Ասիայի երկրների միջև, կան հնարավորություններ ամրապնդելու շուկաները և ներդրումներ ներգրավելու ԱՄՆ-ից և այլ երկրներից՝ ավելացնելու համար այս տարածաշրջանի կայունությունը:

Աղբյուրը՝     b24.am