Ռուսական մարկետփլեյսը հայ գործարարների համար առաջին համաժողովը կանցկացնի Երևանում

Ռուսական «Ozon» հարթակը Երևանում իր առաջին համաժողովը կանցկացնի գործարարների համար: Տեղեկությունը Sputnik Արմենիային հայտնեցին «Ozon» ընկերությունից։

Նախատեսվում են փորձագիտական քննարկումներ Հայաստանում էլեկտրոնային առևտրի և մարկետփլեյսի զարգացման ժամանակակից միտումների վերաբերյալ, ընկերության ներկայացուցիչները կպատասխանեն գործարարների հարցերին (ինչպես բիզնես սկսել օնլայն վաճառքում և ինչ վաճառել, ինչպես ապրանքի գրավիչ քարտ ստեղծել, ինչպես խնայել լոգիստիկայի վրա և ուղարկել իրենց ապրանքները Ռուսաստան, ինչպես բացել պատվերների ստացման կետ և շահույթ ստանալ):