Ֆրանսիան անբավարար է համարում ԵՄ միջոցներն ուկրաինական ներմուծումը սահմանափակելու համար
ԵՄ ուկրաինական ներմուծումը սահմանափակելու միջոցառումներն անբավարար են, և Ֆրանսիան կցանկանար, որ դրանցով սահմանված հացահատիկային մշակաբույսերի ցանկը ընդլայնվի։ Այս մասին հայտարարել է հանրապետության գյուղատնտեսության նախարար Մարկ Ֆենոն։
«ԵՄ մակարդակով ընդունված համաձայնագիրը պարունակում է մի շարք սահմանափակող միջոցներ հավի, շաքարավազի, ձվի, ինչպես նաև վարսակի և եգիպտացորենի նկատմամբ: Այս համաձայնագիրը դեռ այն չէ, ինչ մենք կցանկանայինք տեսնել նրան»,- France Info հեռուստաալիքի եթերում նշել է գերատեսչության ղեկավարը։
Նախարարի խոսքով՝ Ֆրանսիան կարծում է, որ «միջոցառումները պետք է տարածվեն նաև հացահատիկային այլ մշակաբույսերի, մասնավորապես՝ ցորենի վրա»։
Հիշեցնենք՝ ԵՄ մի շարք երկրների, այդ թվում՝ Բելգիայի, Գերմանիայի, Լեհաստանի և Ֆրանսիայի ֆերմերները բողոքում են գյուղատնտեսական արտադրությունը կարգավորող եվրոպական բազմաթիվ կանոնակարգերի, ինչպես նաև Ուկրաինայից գյուղատնտեսական ապրանքների անվերահսկելի ներմուծման դեմ։ Ֆերմերները նաև հանդես են գալիս բյուրոկրատական ընթացակարգերի պարզեցմանը և ոլորտի ավելի մեղմ կարգավորմանը կողմ:
Աղբյուրը` b24.am