Լեհաստանը պատրաստվում է ապրիլի 1-ից արգելք մտցնել Ուկրաինայից որոշակի ապրանքների տարանցման վրա

Լեհաստանի իշխանությունները նախատեսում են դադարեցնել երկրի տարածքով ուկրաինական գյուղատնտեսական արտադրանքի այն կատեգորիաների տարանցումը, որոնց ներմուծումը Վարշավան ավելի վաղ արգելել էր։ Այս մասին լրագրողներին հայտնել է Լեհաստանի գյուղատնտեսությանփոխնախարարը՝ Եվրոպական գյուղատնտեսական ֆորումում բողոքող ֆերմերների հետ բանակցություններից հետո։

«Գյուղատնտեսության նախարարը կդիմի Նախարարների խորհրդին՝ խնդրելով դադարեցնել Ուկրաինայից ապրանքների տարանցումը Լեհաստանի տարածքով, որոնց ներմուծման վրա էմբարգո կա», – նա նշել է, որ Ուկրաինայից տարանցման արգելքը կտարածվի ցորենի, եգիպտացորենի և ալյուրի վրա։

Արգելքի կիրառումն ուժի մեջ կմտնի ապրիլի 1-ից, իսկ մինչ այդ Վարշավան և Կիևը համապատասխան համաձայնագիր կմշակեն երկու երկրների միջև առևտրի վերաբերյալ:

Հիշեցնենք՝ փետրվարի 9-ին լեհ ֆերմերները սկսել են լայնածավալ բողոքի ցույցեր և շրջափակել Ուկրաինայի հետ սահմանի անցակետը։ Նրանք պահանջում են սահմանափակել կամ ամբողջությամբ արգելել Ուկրաինայից էժան գյուղմթերքների ներմուծումը, ուժեղացնել ազգային անասնաբուծության աջակցությունը, ինչպես նաև անհամաձայնություն հայտնել Եվրամիության «Կանաչ գործարքի» ռազմավարությանը, որը նախատեսում է մինչև 2050 թվականը ածխածնի արտանետումների զրոյականացում:

Աղբյուրը`   b24.am