Ուժի մեջ են մտել ԵԱՏՄ երկրներից ՌԴ ներմուծվող ավտոմեքենաների համար վճարման հաշվարկի նոր կանոնները
Այսօրվանից ուժի մեջ է մտել ԵԱՏՄ անդամ երկրներից Ռուսաստան ավտոմեքենաների ներմուծման համար վճարի չափի հաշվարկման նոր կարգը: Այժմ ԵԱՏՄ երկրներից ՌԴ ներմուծվող տրանսպորտային միջոցների մաքսային արժեքի նվազեցման պատճառով թերավճարված հարկերն ու տուրքերը հաշվի կառնվեն որպես յուրաքանչյուր մեքենայի ներմուծման համար վճարվող մաքսազերծման վճարի մաս։
Այսպիսով, հավասար պայմաններ կլինեն այն քաղաքացիների և ընկերությունների համար, որոնք Ռուսաստան են ներմուծում ԵԱՏՄ երկրներում մաքսազերծված ավտոմեքենաներ, և նրանց համար, ովքեր այդ ընթացակարգն անցնում են Ռուսաստանում՝ վճարելով բոլոր անհրաժեշտ հարկերն ու տուրքերը: Իսկ այն քաղաքացիների ու ընկերությունների համար, որոնք ԵԱՏՄ երկրներից ավտոմեքենաներ են ներկրում և մաքսազերծման ընթացակարգերն անցնում անմիջապես Ռուսաստանում, ոչինչ չի փոխվել:
Այժմ ԵԱՏՄ անդամ երկրներից ներկրված էլեկտրական շարժիչով մեքենաների մաքսազերծման ընթացակարգն անպայման կիրականացվի Ռուսաստանում։
Աղբյուրը՝ b24.am