ՀՀ օպերատորների բջջային կապից ստացված եկամուտները 2023թ. IV եռամսյակում կազմել են 24.72 մլրդ դրամ

2023 թ. IV եռամսյակում ՀՀ բջջային օպերատորների շարժական բջջային կապից ստացված գործառնական եկամուտները կազմել են 24.72 մլրդ դրամ։ 2022 թ. համադրելի ցուցանիշի համեմատ արձանագրվել է աճ 974.66 մլն դրամով կամ 4.11%-ով։

Մասնավորապես, Viva-MTS-ի եկամուտներն աճել են 957.22 մլն դրամով կամ 7.21%-ով և կազմել 14.23 մլրդ դրամ։ Team Telecom-ի (նախկինում՝ Beeline) եկամուտներն աճել են 51.51 մլն դրամով կամ 1.00%-ով և կազմել 5.181 մլրդ դրամ, իսկ Ucom-ի եկամուտները նվազել են 34.1 մլն դրամով կամ 0.64%-ով և կազմել 5.302 մլրդ դրամ։

Նշված ժամանակահատվածում Viva-MTS-ի գործառնական ծախսերը կազմել են 7.591 մլրդ դրամ։ Գործառնական շահույթը, մինչև հիմնական միջոցների և ոչ նյութական ակտիվների ամորտիզացիայի հաշվարկումը (OIBDA)՝ 4.456 մլրդ դրամ, իսկ կապիտալ ծախսերը՝ 5.842 մլրդ դրամ։

Team Telecom-ի գործառնական ծախսերը կազմել են 3.506 մլրդ դրամ։ Գործառնական շահույթը, մինչև հիմնական միջոցների և ոչ նյութական ակտիվների ամորտիզացիայի հաշվարկումը՝ 1.419 մլրդ դրամ, իսկ կապիտալ ծախսերը՝ 2.115 մլրդ դրամ։

Ucom-ի գործառնական ծախսերը կազմել են 3.464 մլրդ դրամ։ Գործառնական շահույթը, մինչև հիմնական միջոցների և ոչ նյութական ակտիվների ամորտիզացիայի հաշվարկումը՝ 1.411 մլրդ դրամ, իսկ կապիտալ ծախսերը՝ 1.092 մլրդ դրամ։

Աղբյուրը`   b24.am