Իլոն Մասկը խոսել է AI-ի կողմից մարդկությունը կործանելու հավանականության մասին

Great AI Debate սեմինարի ժամանակ Իլոն Մասկը կիսվել է իր մտքերով ժամանակակից AI ալգորիթմների զարգացման վերաբերյալ։ Մասնավորապես, նա անվանել է արհեստական բանականության «ապստամբության» գնահատված հավանականությունը, որը ոլորտի այլ փորձագետներ համարում են զգալիորեն թերագնահատված։

Միլիարդատիրոջ խոսքով՝ այսօր «մեքենաների ապստամբության» հավանականությունը, որի ժամանակ արհեստական ​​բանականության տեխնոլոգիաները կշրջվեն մարդկանց դեմ, տատանվում է 10-ից 20%-ի սահմաններում։ Սակայն, նրա կարծիքով, նման ռիսկն արդարացված է։ Նա պնդում է, որ անվտանգության նկատառումներից ելնելով, անհրաժեշտ է զարգացնել AI-ն այնպես, որ այն տրամադրի միայն ճշմարտացի տեղեկատվություն։

Նախկինում հետազոտողները պարզել էին, որ երբ AI-ն սովորում է ստել մարդկանց, նրա վարքագիծն այլևս չի կարող փոխվել՝ օգտագործելով գոյություն ունեցող անվտանգության միջոցները: The New York Times-ն այս հայտարարությունը անվանել է «վախեցնող նոր վիճակագրություն, որը տարածվել է ողջ Սիլիկոնային հովտում», որտեղ տարբեր տեխնոլոգիական ղեկավարներ տալիս են բացասական արդյունքի  մինչև 50% խիստ հոռետեսական գնահատականներ:

AI անվտանգության հետազոտող և Լուիսվիլի համալսարանի կիբերանվտանգության լաբորատորիայի տնօրեն Ռոման Յամպոլսկին նույնպես պնդում է, որ Մասկը ճիշտ է արհեստական ​​բանականության կողմից կանխատեսվող սպառնալիքի հարցում: Նրա կարծիքով՝ AI-ի՝ մարդկությանն իր վերահսկողության տակ առնելու իրական հավանականությունը շատ ավելի մեծ է, քան Մասկի պնդումները (ավելի քան 99%)։

Աղբյուրը`   b24.am