Samsung Pay-ում այլևս չեն սպասարկվի «Мир» քարտերը

Samsung Pay բջջային վճարային ծառայությունում անհասանելի է դարձել «Мир» ռուսական վճարային համակարգից քարտերի ավելացումն ու օգտագործումը։ Հարավկորեական ընկերությունը նախապես զգուշացրել է փոփոխությունների մասին՝ նշելով, որ դա չի ազդի հավելվածում ակումբային և հավատարմության քարտեր ավելացնելու և օգտագործելու հնարավորության վրա։

Նրանց, ովքեր օգտվել են Samsung Pay-ից հասարակական տրանսպորտից օգտվելիս վճարելու համար, ընկերությունը խորհուրդ է տվել անցնել վճարման այլընտրանքային եղանակների:

Մեկնաբանելով Samsung Pay-ի հեռանալը ռուսական շուկայից՝ Tinkoff Bank-ը, Sberbank-ը և VTB-ն ՏԱՍՍ-ին ասել են, որ դրանից զգալի վտանգ չեն տեսնում ռուսական բանկերի հաճախորդների համար, քանի որ արդեն կան ներքին անալոգներ և անհպում վճարման այլընտրանքային տարբերակներ՝ QR, վճարային կպչուն պիտակներ և բանկերի սեփական վճարային ծառայություններ։

Իր հերթին, Ազգային վճարային քարտերի համակարգը (NSCP) հիշեցրել է, որ Android OS 7.0 և ավելի բարձր տարբերակով աշխատող սմարթֆոնների սեփականատերերը կարող են օգտագործել Mir Pay վճարային հավելվածը, որը մշակվել է հատուկ ազգային քարտերով անհպում վճարումների համար:

Աղբյուրը՝     b24.am