Վրաստանի տնտեսական աճը փետրվարին կազմել է 9.5%

Վրաստանի ազգային վիճակագրական ծառայության նախնական գնահատականներով՝ ընթացիկ տարվա փետրվարին, նախորդ տարվա միևնույն ժամանակահատվածի համեմատ, իրական ՀՆԱ-ի աճը կազմել է 9.5%, իսկ հունվար-փետրվարին միջինը կազմել է 7.7%։

2024-ի փետրվարին, նախորդ տարվա նույն ժամանակաշրջանի համեմատ, տնտեսական աճի համար զգալի ներդրում են ունեցել այնպիսի ոլորտներ, ինչպիսիք են արտադրությունը, շինարարությունը, գիտատեխնիկական գործունեությունը, ՏՏ-ն ու կապը, տրանսպորտը և պահեստավորումը:

Նվազման միտում է նկատվել էներգետիկայի և հանքարդյունաբերության ոլորտներում։

Հիշեցնենք՝ տնտեսական աճի նախնական գնահատականները հաշվարկվում են գերատեսչական վիճակագրության՝ ԱԱՀ վճարող ձեռնարկությունների շրջանառություն, ֆիսկալ և դրամավարկային տվյալների հիման վրա:

Աղբյուրը`   b24.am