Հայկ Ղալումյանն աշխատանքային քննարկում է ունեցել ՀՀ բնապահպանության և ընդերքի տեսչական մարմնի ղեկավար Հովհաննես Մարտիրոսյանի հետ

Քննարկմանը ներկա էին նաև Տավուշի մարզի համայնքների ղեկավարները և համապատասխան ոլորտի պատասխանատուներ։

Հանդիպման նպատակն էր քննարկել բնապահպանական ոլորտին առնչվող խնդիրները, հստակեցնել համայնքներին պատվիրակված լիազորությունների շրջանակում կատարվող աշխատանքները։

Հատուկ ուշադրություն է հրավիրվել մարզում ընթացող շինարարական աշխատանքների հետևանքով մթնոլորտ արտանետվող փոշու կանխարգելմանը, ճանապարհաշինարարության ընթացքում իրականացվող հողագրունտային հանույթներին, ընդերքօգտագործմանը, անտառահատումների վերահսկողությանը: Բարձրացված մի շարք հարցերին տեղում տրվել են պատասխաններ, առաջարկվել են մի շարք խնդիրների լուծումներ։

Խորհրդակցության ավարտին կողմերը կարևորել են նմանատիպ հանդիպումները։